Sunday, 16 October 2011

အရောင်မဲ့ အဖြူ

   ပလတ်စတစ်အိတ်မှ ဂျူတီကုတ်ကို ထုတ်လိုက်သည်နှင့် စူးရှရှအနံ့က ထောင်းကနဲ ထ,လာသည်။ ဖော်မလင်နံ့၊ ဆီးနံ့၊ ချွေးနံ့တို့ ပေါင်းထားသော စူးစူးဝါးဝါးအနံ့၊ အဆိုးရွားဆုံးကတော့ အလောင်းကောင်တို့မှရသော ဖော်မလင်နဲ့၊ ချွေးနံ့ကလည်း တော်တော်ပြင်းသည်။ ဆီးခွက်၊ ဆီးစစ်၍ ထိမိ စွန်းမိသော ဆီးနံ့ကမူ မဖြစ်စလောက်။
    ကုပ်ပိုးနေရာတွင် ချွေးကြောင်းကို အထင်းသားတွေ့ရသည်။ တံတောင်ဆစ်ကွေးနားတစ်ဝိုက်နှင့် အောက်ဘက် အိတ်ကပ် ပေါ်တွင် ဝါညိုညိုအကွက် သုံးလေးခု။
    စာမေးပွဲတွေက ရှမ်းပြည်ရှိ ငါးရက်တစ်ဈေးတွေလို အလှည့်ကျစစ်နေသဖြင့် မလျှော်အား၊ မလျှော်ဖြစ်။ ထို့ကြောင့်ပင် အဖြူရောင်ဂျူတီကုတ် (Duty Coat) ၊ ညစ်ပေပေ ဒါးတီးကုတ်
(Duty Coat) အဖြစ် ဘဝပြောင်းနေပေပြီ။
    သည်နေ့တော့ ဒါးတီးကုတ်ကို ဂျူတီကုတ်ဖြူဖြူဖွေးဖြစ်အောင် ပြန်လုပ်ရပေမည်။ မဖြစ်မနေ လျှော်ရတော့မည်။ နို့မို့ဆို နှစ်ပတ်မလျှော်မှ သုံးပတ်မလျှော်ထိ အဆင့်တိုးပြီး အနံ့တွေ၊ အစွန်းတွေ စွဲ့သွားမှဖြင့်။
    ''မကြီး... အဲဒါကြီး လျှော်မလို့လား၊ ဌေးသန်း လျှော်ပေးမယ်လေ''
    ''နေ...နေ ကိုယ့်အင်္ကျီ ကိုယ့်ဘာသာ လျှော်ယူမယ်၊ နင် လုပ်တတ်မှာ မဟုတ်ဘူး၊ လျှော်ပြီးရင်သာ နေပူထဲ ရွှေ့ပေးချေ၊ ဒီည ခြောက်မှဖြစ်မယ်၊ နက်ဖြန် ကျောင်းယူသွားရဦးမှာ''
    ''အင်း...နက်ဖြန်တော့ ဂျူတီကုတ်ဖြူဖြူဖွေးနဲ့ ကျောင်းတက်ရမှာပေါ့လေ''

+ + + +

    အိပ်ရာမှနိုးလာတော့ ချက်ချင်း မျက်လုံး မဖွင့်နိုင်သေး။ သို့သော် အထိအတွေ့ အာရုံနှင့်ပင် နေအတော်မြင့်နေပြီဟု သိနေသည်။
    ကမန်းကတန်း နာရီ လှမ်းကြည့်လိုက်သည်။ ခုနစ်နာရီခွဲ။ ဒုက္ခတော့ဖြစ်ပြီဟု သိလိုက်သည်။
    ညက အိပ်ရာဝင် နောက်ကျသော်လည်း ဌေးသန်းကို မနက်စောစောနှိုးရန် မှာထားခဲ့သည်ပဲ။ သည်ကောင်မလေး ဘာကြောင့် လာမနှိုးပါလိမ့်။ တော်တော်ခက်တာပဲ။
    လက်ချာက ကိုးနာရီမှာ စ,တယ်ဆိုသော်လည်း ခုံဦးဖို့က ရှိသေးသည်။ ကျောင်းကို ရှစ်နာရီဆယ့်ငါး ပတ်ဝန်းကျင်လောက် ရောက်မှ နေရာကောင်းကောင်း ရနိုင်သည်။ ဟင်း... ဆယ့်နှစ်သီးသန့်က တစ်စင်းတစ်စင်း ကြာပါဘိသနဲ့။ ပြီးတော့ ကျပ်လိုက်သေး သည်။
    ဘတ်စ်ကားအကြောင်းတွေးလျှင် ကိုယ်ပိုင်ကားနှင့် ကျောင်းတက်သော ဟိုကောင်တွေကို မကျေနပ်ချင်။ သည်အကောင် တွေက ကိုယ့် ကိုယ်ပိုင်ကားတွေနှင့် လာရတာတောင် စောစောစီးစီးလာပြီး ခုံမဦးကြ။ လက်ချာ စ,ခါနီးမှ ကပ်ရောက်လာပြီး သည်ကကောင် ဦးထားသည့်ခုံမှာ နေရာရွေးထိုင်ကြသေးသည်။ မိမိကလည်း မိမိမှ မဦးလျှင် ထိုင်စရာဘုံပျောက်မည်ကို သိသည်။ သည်တော့ မနေနိုင် မထိုင်နိုင် ကျောင်းကို စောစောလာရသည်။ စောစောလာဖို့ဆို အိမ်က စောစောထွက်မှ။ အိပ်ရာက စောစော ထမှ။
    ခုတော့ စိတ်တွေ တိုလာသည်။ ဘာကြောင့် စောစောမနှိုးလဲ။ ညတိုင် မိုးစုပ်စုပ်ချုပ်မှ အိပ်တတ်တာ။ မနှိုးလျှင် လွန်သွား တတ်တာ။ ဒါတွေအားလုံး ဌေးသန်းဆိုတဲ့ ဟိုမိန်းမအသိ။ ခါတိုင်းလည် နှိုးနေကျ။ မနိုးမချင်း စောင့်နှိုးနေကျ။ သည်နေ့ကျမှ...။
    ကွာ... အရေးထဲမှ အချိန်စာရင်းစာရွက်က ဘယ်ချောင်ရောက်နေပါလိမ့်။ ဟော... ခုမှ သတိရသည်။ ဂျူတီကုတ်၊ ဂျူတီကုတ် ဘယ်ရောက်နေပါလိမ့်၊ မီးပူတိုက်ရဦးမည်။
    ''ဌေးသန်းရေ... ဌေးသန်း''
    ''ရှင်...''
    ''လာဦး''
    ဌေးသန်းကို လှမ်းခေါ်ရင်းမှ မျက်နှာသစ်ပြီး မသုတ်ရသေးသည်ကို သတိရပြီး မျက်နှာသုတ်ပဝါ လှန်းရာတန်းကို ကြည့်လိုက်တော့ ဟော... မနေ့က ရေချိုးပြီး မျက်နှာသုတ်ပဝါကို အောက်ထပ်မှာ ထားခဲ့မိသည်။ ဟင်း...။
    ''ဌေးသန်းရေ... တက်လာရင် မျက်နှာသုတ်ပဝါပါ ယူခဲ့ဟေ့''
    ''ရှင်...''
    အဲ... ဌေးသန်းက အိမ်ပေါ်ထပ်ပဲ ရောက်နေပြီ။ မထူးတော့။ ရေပဲ၊ ကြာလျှင် ရွေေ့ပြန်ကာ ခြောက်သွားလိမ့်မည်။
    ''ငါ့ ဂျူတီကုတ်ရော ရှာပေးပါဦး မီးပူတိုက်ရဦးမှာ''
    ''အိမ်ရှေ့မှာရှိတယ် မကြီး၊ ဌေးသန်း တိုက်လိုက်မယ်လေ''
    ''အေး... အေး''
    ယူသွားရမည့် စာအုပ်မှန်သမျှကို လွယ်အိတ်ထဲ ထိုးသွင်းရင်းမှ ''ဌေးသန်း နင် ဘာလို့ ငါ့ကို မနှိုးတာလဲ'' ဟု လှမ်းအော် လိုက်သည်
    ''နှိုးပါတယ် မကြီးရဲ့''
    ''ဟာ... မနှိုးပါဘူး''
    ''နှိုးတယ်၊ မကြီးက အင်း...အင်း၊ ခုထမယ်ဆိုလို့ ဌေးသန်း အောက်ဆင်းပြီး အမေ့ကို ကူနေတာ''
    အဲ သေရော၊ ကဲ ဘာပြောချင်သေးလဲ အီဖကို။ ခုတော့ ဌေးသန်းကိုလည်း စိတ်တို၍မရတော့။ စိတ်တိုရမည့်လူဟူ၍ မိမိကိုယ်တိုင်ပဲ ရှိတော့သည်။ ဟင် မျက်နှာကိုက ကျက်သရေမရှိလိုက်တာ။ ခေါင်းအမြန်ဖြီးရင်းမှ မှန်ထဲက မိမိမျက်နှာကို မေတ္တာ မိုး ရွာသွန်းဖြိုးလိုက်သည်။
    ''ဒုန်း''
    ''ဟဲ့ ဟဲ့၊ ဘယ်သူလဲ''
    ''သမီး မေမေ''
    ''ဘာဖြစ်တာလဲ''
    ''အဟဲ... လှေကားထစ် ကျော်နင်းမိလို့ မေမေရဲ့''
    ''ကောင်းတယ်... အိပ်ပုပ်ကြီိးတာကိုး''
    မေမေက ဟင်းချက်နေရင်းမှ သိန်းငှက်ကို ဂျက်လေယာဉ်အင်ဂျင်စက် တပ်ပေးထားသလို ပြေးလွှားလှုပ်ရှား ဗျာများနေ သော သူ့သမီးကို လှမ်းအော်လိုက်သည်။
    ''နောက်မှပြောပါ မေမေရာ၊ ခု ထမင်းဘူးထဲ ဘာထည့်ရမလဲ၊ ထမင်းတော့ ထည့်ထားပေးပါနော်၊ ဒီမှာ ထဘီမလဲရသေးဘူး ဗျ၊ ဟော ဖိနပ်လဲ လဲရဦးမယ်၊ ဒီ အိမ်ထဲစီးဖိနပ်က ပြုတ်လုတဲကာနဲ့... နေပါဦး ဟိုက်... ရှစ်နာရီထိုးတော့မယ်၊ ဌေးသန်းရေ... မြန်မြန်ဟေ့''
    ''ဟုတ်ကဲ့ ပြီးတော့မယ်''
    ''ရော့ ရော့... ဒီမှာ အကုန်လုံး၊ ငါပဲ ထည့်ပေးလိုက်ပါတယ်၊ ရော့... လက်သုတ်ပဝါတော့ ကိုယ့်ဘာသာကိုယ်ထုတ်''
    ''ဟုတ်ကဲ့... ဟုတ်ကဲ့''
    ''ဟဲ့... ဘာမှ မစားတော့ဘူးလား''
    ''ကျောင်းရောက်မှ စားမယ်လေ''
    လက်သုတ်ပဝါကို အမြန်ဆုံးနည်းနှင့် ထုတ်နေစဉ်မှာပင်...။
    ''မကြီးရေ... ဘယ်လိုခေါက်ရမလဲ ဟင်''
    ဌေးသန်း၏ မလုံမလဲ အသံပြဲကြီးက အောက်ထပ်သို့ အဟုန်ပြင်းပြင်း ဆင်းလာသည်။
    ''ဟဲ့... မခေါက်တတ်ရင် စောစောက ပြောပါလား၊ ထား...ထား၊ ငါလာမယ်''
    စိတ်တိုနေပြီ။ ခေါင်းလည်းနောက်သည်။ ဌေးသန်းကို နည်းနည်းမှ မကျေနပ်။ အိမ်ပေါ်ရောက်သည်နှင့် ''ဒီလိုခေါက်ရတယ် ဟေ့'' ဟုဆိုကာ ဌေးသန်းခေါင်းကို ခေါက်ပစ်လိုက်သည်။
    ခေါက်ရိုးများညီအောင် ညှိရင်းမှ ကျောင်းက ဟိုကောင်တွေကို မနာလိုချင်သလို။ မကျေနပ်ချင်သလို။ ခုလောက်ရှိ ဟိုကောင်တွေက ခပ်အေးအေးလေး နံနက်စာ ကော်ဖီနဲ့ ပေါင်မုန့် လွေးနေမှာပေါ့။
    အချိန်များ ဟိုတုန်းက မြန်မာနာရီတွေ သတ်မှတ်သလို နာရီခြောက်ဆယ်ရှိလျှင် ကောင်းမည်ဟု လောဘတကြီး တွေးလိုက် သေးသည်။
    အချိန်ဆိုလို့ ခု ရှစ်နာရီထိုးပြီးပြီ။ ထမင်းဘူးကို ကောက်ဆွဲကာ အိမ်ထဲမှ ခပ်သုတ်သုတ် ထွက်လိုက်သည်။
    ဘတ်စ်ကားဂိတ် ရောက်တော့သည်။ စိတ်တိုရပြန်သည်။ ဆယ့်နှစ်သီးသန့်မပြောနှင့် ဆယ့်နှစ်အပြာရိုးရိုးတောင် တစ်စီးမှ ရောက်မလာ။ ဘယ်နေရာမှာ အိပ်နေကြပါလိမ့်။
    ဟော ခုမှ သတိရသည်။ နိုင်ငံရေးသိပ္ပံစာအုပ် မေ့ကျန်ခဲ့ပြီ။ မတတ်နိုင်တော့။ ခုမှ အိမ်ပြန်မယူနိုင်ပြီ။ ကြုံသလို ကူးရတော့ မည်။
    ဆယ့်နှစ်အပြာတစ်စီးတော့ လာနေသည်။ မထူး။ သည်ကားနှင့်ပင် လိုက်သွားမည် စိတ်ကူးသည်။
    ကားကာ တော်တော့ကို ကျပ်နေသည်။ ခြေနင်းခုံပေါ် ခြေတစ်ဖက်လေး ရောက်ရုံရှိသေး ကားက စထွက်ပြီ။ ကျန်ခြေတစ် ဖက်ကို ခပ်မြန်မြန် မ,တင်ရင်းမှ ကားဒရိုင်ဘာကို မကျေမနပ် ဖြစ်လိုက်သည်။ လွှတ်လောနေလိုက်တာ။
    ကားက ရွှေမန်းရုံဂိတ်မှာ လူတင် လူခေါ် ကြာနေသေးသည်။ ထွက်တော့မယ့်ဟာ မြန်မြန် ထွက်ပါလားဟု စိတ်ထဲမှာ အော်နေသည်။
    မဟာမြိုင်ဂိတ်မှာဆင်းပြီး နံပါတ်ခြောက်၊ ရှစ်၊ ကိုး ကြုံရာစီးမည် စိတ်ကူးသည်။ ရှစ်နာရီနှစ်ဆယ် ရှိပြီ။ ခါတိုင်း တစ်မိနစ် တစ်ကားနှုန်း ရောက်လာတတ်သော နံပါတ်ရှစ်ကားတွေ ဘယ်ချောင်မှာ ငိုက်နေကြသည်မသိ။ ရောက်မလာသေး။
    ရှစ်နာရီ နှစ်ဆယ့်ငါး။ နံပါတ်ကိုးကား ရောက်လာသည်။
    လူအပြည့်အသိပ်။ ကားပေါ် လှမ်းအတက်မှာ နံဘေးမှ အဒေါ်ကြီးက တံတောင်ဆစ်နှင့် ဝင်တိုးသွားသည်။ ရမ်းကား လိုက်တာ။ ခြေထောက်ချလိုက်သည်နှင့် တစ်ယောက်ယောက်၏ ခြေထောက်ပေါ် တက်နင်းမိပြီဟု သိလိုက်သည်။ ခြေထောက်ကို ကမန်းကတန်း နေရာရွှေ့ကာ တစ်ဖက်သို့ မျက်နှာလွှဲနေလိုက်သည်။ အနင်းခံရသော ခြေထောထက်ရှင်ပုဂ္ဂိုလ်ထံမှ မည်သည့် အမနာပစကားကိုမျှ မကြားရသည်ကို ကျိတ်၍ ကျေးဇူးတင်ရသည်။
    ဟံသာဝတီအဝိုင်းကို ကားကွေ့စဉ်မှာ လူပေါ် ဖိကျလာသော ကိုယ်ခန္ဓာအချို့ကို တံတောင်နှစ်ဖက်နှင့် တင်းခံလိုက်ရသည်။
    ''စိုက်ပျိုးရေးပါတယ်'' ဟု အနားရှိ စပယ်ယာကို သတိပေးရသေးသည်။ မတော် လိုင်းပေါက်ထိ ပါသွားမှ။
    ကားပေါ်ကအဆင်းမှာ ရင်ခွင်ထဲမှ ဂျူတီကုတ် ထည့်ထားသောအိတ်က ပြုတ်ကျမလို ဖြစ်သွားသည်။ ကမန်းကတန်းပင် ပြန်ဆွဲရင်း ''ဂျူတီကုတ်ဖြူဖြူလေး ပေသွားတော့မလို့... ကံကောင်းလို့'' ဟု တွေးမိသည်။
    ချေးညှော်မရှိ၊ ချွေးမထိ၊ အစွန်းအကွက် မငြိသဖြင့် ဂျူတီကုတ်မှာ သန့်ရှင်းလှပ၍ နှစ်လိုဖွယ် ဖြစ်နေသည်။
    မလှမပနှင့် ညစ်ပတ်နေသည်ကတော့ 'မိမိ၏ စိတ်သာလျှင်ဖြစ်သည်။ ဒေါသ အစွန်းထွက်၊ လောဘ ချေးညှော်၊ မနာလို ချွေးနံ့များဖြင့်  ပေချင်တိုင်ပေ၊ ညစ်ချင်တိုင်း ညစ်နေသည်။
    ဂျူတီကုတ် ညစ်ပေပေတုန်းက ကိုယ်တိုင် လျှော်ဖွပ်၍ သန့်ရှင်း လှပစေခဲ့သည်။ ဂျူတီကုတ် ဖြူဖြူလေး မြေခ၍ ညစ်ပေ သွားမည်ကို စိုးရွံ့ခဲ့သည်။
    ယခု စိတ်နှလုံး ညစ်ပေတော့ကော။
    ပိုက်ဆံတတ်နိုင်လျှင် တတ်နိုင်သလောက် အသစ် အသစ် ထပ်မံချုပ်နိုင်သည့် ဂျူတီကုတ် ဖြူဖြူဖွေးကိုတော့ အညစ်အပေ မခံနိုင်။ ဝယ်၍မရ။ တန်ဖိုးဖြတ်၍ မရသော စိတ်နှလုံး ဖြူဖြူဖွေးကိုတော့ အညစ်အပေ ခံနိုင်မည်ဆိုလျှင်...
    အို... မိမိ အတော့်ကို မိုက်မဲရာ ကျပေလိမ့်မည်။
    မိမိ လူမိုက် မဖြစ်ချင်ပါ။
    မိမိ၏ စိတ်နှလုံး ညစ်ပေသမျှကို မိမိကိုယ်တိုင် လျှော်ဖွပ်ရမည်။ သို့မဟုတ် ချေးညှော်၊ အစွန်းအထင်း၊ ချွေးနံ့ကင်းပြီး ဖြူဖြူဖွေးလာအောင် လုပ်ရမည်။ မိမိ၏ စိတ်နှလုံး ဖြူဖြူဖွေးရေးအတွက် အဓိက တာဝန်ရှိသူသည် မိမိသာဖြစ်သည်။
    နောင်ဆိုလျှင် ဂျူတီကုတ် ဖြူဖြူဖွေးနှင့်သာမက စိတ်နှလုံး ဖြူဖြူဖွေးနှင့်ပါ ကျောင်းတက်ရပေမည်။ ဘဝခရီး ဆက်ရပေ မည်။ ဘဝ သမုဒ္ဒရာကို ဆန်မည့်လှေတွင် လှေတိုက်ရွက်သည် အဖြူ၊ အရောင်မဲ့ အဖြူ။
မသီတာ(စမ်းချောင်း)
၁၉၈၆ ခု၊ ဇူလိုင် လ၊ ချယ်ရီ မဂ္ဂဇင်း

No comments:

Post a Comment